يا اللي تقلب على الحرية
لا تقول مريض قدّام لعدا
يشمتوا فيك اليوم او غدّا
يعملوك في رجلهم كيف الفردة

راه طبعهم بني انسان

كون مريض او عرّي على لكتاف
لعدو منّك يعود يخاف
و تقوّى بي الله و المصحاف

الى بغيتي تعيش في اطمأنان

عيش حر و خّى زحّاف
و لا تخلّيهم يقولوا مكفاف
تصبح في لسانهم كيف الجفاف

بنادم اليوم ما فيه امان

حرث الأرض وخّى الجفاف
ربي كبير لاش تخاف
ما يربح غير اللي حج او طاف

راه اللي في لبحر ما هو في ويدان

هز راسك الفوق الفوق
لا تخلّي الهمك يعيشك محروق
شمسك ما تعرف شروق

او تصبح عايش على اللي كان

لا تقول كانوا جدادي
بنادم اليوم قلبو فاضي
رد بالك ليقلعوا أوتادك و وتادي

راه ما بقات تيقة في هد الزمان

حتى حد ما يموت بالجوع
المهم عيش بي راسك مرفوع
بنادم صبح لبنادم مركوع

أرجانا فيك يا العدنان

لا تقول راني محقور
تعيش حياتك كيف العصفور
بالحجر يهبطوك من فوق السور

هدا سر اللي ينزّل لعلام

يا اللي داخل لشي مدينة او حارة
رد بالك ليضربوا ليك الشكارة
ينوضوا عليك المرّارة

حيث الى ما عندك فلوس لاش لكلام

كون سبع او لا تكون خروف
تعود من القطّة مرجوف
وخّى انت صحيح قاتلك الخوف

الدنيا ضاوية و انت مخبّي في الظلام

و نطلبوا الله يطلق لحمام

تنزل الشتا و يزول لغمام

تصبح عيشتنا و لا في الاحلام

و نرفعوا الفوق الفوق راية الاسلام



رحال أودغوغ